Atención!: Veleno na Contorna da Torre de Hércules

Bolsa Raticida na Praia do Areal

A Asociación Veciñal das Atochas – Monte Alto – Torre de Hércules, a través do seguinte comunicado, quere denunciar a aparición de bolsas de veleno na contorna da Torre de Hércules e as praias da zona. Un feito que está a provocar o ingreso de animais por envelenamento.

Tamén denunciamos o feito de que haxa persoas que se adican a botar líquido anticonxelante nos bebedeiros caninos das fontes. Algo non só perigoso para os animais, senón tamén para as persoas que adoitan achegarse a beber ás mesmas.

Por todo isto, solicitamos ao Concello da Coruña e á Concellaría de Medio Ambiente a investigación do que está a acontecer e a persecución das persoas responsabeis.

Nos últimos días son moitas as denuncias veciñais por este asunto ao ser, a zona da Torre de Hércules, un dos mellores espazos para disfrutar e pasear cos cans logo de carecer a nosa cidade de lugares axeitados nos seus parques públicos.