Información de Última Hora: No día de onte a Asociación Veciñal das Atochas – Monte Alto – A Torre acudiu a unha xuntanza co Concello da Coruña no Ágora onde falamos do tema das Festas dos Barrios.
Logo do acontecido no ano 2012 onde boicotearon até o último minuto a súa celebración, onte obrigaron á nosa entidade a celebralas co colectivo creado, organizado e financiado polo proprio Partido Popular no barrio: “Asociación de Vecinos y Comerciantes de Monte Alto”
A nosa resposta foi clara e facémola pública: “a soberanía da nosa entidade, con 36 anos de historia, non vai ser sometida aos mandados de ninguén” e déuselles un ultimatum: “se queren colaborar, como Concello, nas festas das Atochas – Monte Alto 2013, teñen até o 31 de Maio para facenos a súa proposta nun escrito oficial e asinado pola propria concelleira Ana Fernández. Se o día 31 non temos esa carta no noso poder, as festas Atochas – Monte Alto celebraránse totalmente co apoio da nosa veciñanza, libres das cadeas do Goberno Municipal.”
Queremos facer público o noso posicionamento para que a veciñanza coñeza os feitos. Grazas por estar con nós!
Conversa
Trackbacks/Pingbacks
Pingback: Nuevo desencuentro entre AA.VV Atochas-Monte Alto y Ayuntamiento de A Coruña | Barrio de Monte AltoBarrio de Monte Alto - Maio 22, 2013