Acto de conmemoración do 40 aniversario da nosa entidade este sábado 13 de maio ás 11:00

Este sábado 13 de maio ás 11:00 na Biblioteca Veciñal do Campo de Marte, a nosa entidade celebrará un pequeno acto homenaxe aos 40 anos da súa existencia. Por ese motivo, queremos convidarvos a todas as persoas que queirades pasar con nós este día.

Será un acto sinxelo no que descubriremos unha placa homenaxe a todas esas persoas que abriron o camiño da loita veciñal e a todas esas persoas que, a día de hoxe, seguen a ter na Asociación Veciñal das Atochas – Monte Alto – Torre de Hércules a súa casa.